Շնորկալ ենք մայրիկիս (Օգանեզովա Նադեժդա, 77 տարեկան) ծայրահեղ ծանր վիրահատության համար և բուժելու համար Վարող սրտաբան - Գևորգյան Գագիկ, Սրտային վիրաբուժության ծառայության ղեկավար ֊ Սուսանի Մհեր, Առիթմոլոգիական-սրտաբանական ծառայության ղեկավար - Կարտոյան Զ․, Գլխավոր բժիշկ - Կուրղինյան Ռ․ Մ․

Օրերս դստերս օրհասական ծանր վիճակով տեղափոխեցինք Աստղիկ ԲԿ֊ի Լոռ բաժանմունք։ Սարսափ էր ինձ պատել տեսնելով հիվանդիս անմխիթար վիճակը… Բուժումն իր ձեռքը վերցրեց բժշկական գիտությունների թեքնածու, դոցենտ Նունե Ռոբերտովնան։ Նա մասնագիտական խոր իմացությամբ ու վարպետությամբ ներքին ականջի վիրահատական միջամտություն կատարեց։ Հետվիրահատական բուժման ընթացքում դուստրս նրա հուսալի ձեռքերում էր։ Մայրական հոգու կսկիծով նայում էի հիվանդիս`ահաբեկված էի, սակայն տեսնելով բժշկուհու հանգիստ, հուսադրող ու հոգատար վերաբերմունքը, քաջալերվում էի…. Նունե Ռոներտովնան ջանք չխնայեց հիվանդին ծանր վիճակից հանելու։ Հարկ է եղել անգամ ութ հարկ ոտքով է բարձրացել հիվանդասենյակ։ Խորհում եմ. չգիտեմ ճակատագիր էր, թե՞ բախտի բերում, որ դուստրս դարձավ բարեհոգի լոռ մասնահետ Նունե Ռոբերտովնայի հիվանդառուն… չնայած ԲԿ֊ի Լոռ բաժանմունքը համալրված է նաև այլ գիտակ մասնագետներով`հանձինս Արթուր Շուքուրյանի։ Մի խոսքով հրաշալի բաժանմունք է, բոլորը`բուժ անձնակազմն ու յուրաքանչյուր այլ աշխատող պատրաստակամ պատեհ թե անպատեհ առիթի իրենց անմիջական օգնությունն են ցուցաբերում հիվանդներին։ Ինձ մնում է խորին երախտագիտությունս ու շնորհակալությունս հայտնել արժանի բժշկուհի Նունե Ռոբերտովնային և մնացած հիվանդիս ձեռք մեկնողներին. առողջացած աղջկաս ժպիտն ինձ այս է թնելադրում….

Ես մոտ 2 տարի է բուժվում եմ Քիմիոթերապիայի բաժանմունքում: Շատ շնորհակալ եմ բաժնի ղեկավար Հասմիկ Պետրոսյանին և աշխատակազմին լավ վերաբերմունքի համար ոչ միայն իմ, այլև մյուս հիվանդների նկատմամբ:Իսկ երեկ ես մինչ կմտնեի բաժանմունք վատ զգացի և արժանացա անձնակազմի հոգատար վերաբերմունքին, հատկապես շնորհակալ եմ բժիշկներ Ադրինեից, Աղավնուց, բռւժքույրեր Աննայից, Գայանեից, Արփինեից, աշխատակիցներ Սիլվայից և Անահիտից:Ես ինձ զգացի հարազատի ձեռքերում, իրենք ցուցաբերեցին բարձր մասնագիտական գիտելիքներ և մարդկային վերաբերմունք:

Շնորհակալություն եմ հայտնում Աստղիկ Բժշկական կենտրոնի անձնակազմին, հատկապես բարձրակարգ մասնագետներ նևրոպաթոլոգ Կարինե Հարությունյանին, նեյրովիրաբույժ Ավետիս Կիրակոսյանին Արցախյան պատերազմի մասնակից իմ որդուն հոգատար վերաբերմունք ցուցաբերելու համար:

Ես՝ Սյուզաննա Սուքիասյանս, իմ խորին շնորհակալությունն եմ հայտնում «Աստղիկ» բժշկական կենտրոնի Ուռուցքաբանական գինեկոլոգիայի ծառայության ղեկավար Ժիրայր Մալաքյանին՝ որպես արհեստավարժ մասնագետի և լավ մարդու: Կյանքի հետ անհամատեղելի ախտորոշումով Ռուսաստանի Դաշնությունից եկա հայրենիք և չսխալվեցի, որովհետև «Աստղիկ» ԲԿ-ում փարատվեց իմ ապրելու կամ չապրելու մտավախությունը՝ ի դեմս օնկոգինեկոլոգ Ժիրայր Մալաքյանի և մանկաբարձ-գինեկոլոգ Հայկ Էլոյանի: Սիրելի բժիշկներ, շնորհակալ եմ և երախտապարտ: Միևնույն ժամանակ կրկին համոզվեցի, որ իսկական բժիշկ լինելը ավելի շատ առաքելություն է, քան մասնագիտություն: ՇՆՈՐՀԿԱԼՈՒԹՅՈՒՆ

Շնորհակալություն Աստղիկ ԲԿ կենտրոնին պատրաստակամ ,բարի,հոգատար վերաբերմունքի համար։Շատ լավ մոտեցում հատուկ ուշադրություն զինվորի նկատմամբ։Ես զինվորի մայր եմ արդեն հոկտեմբեր ամսից մինչև հիմա հաճախում ենք և արդեն հարազատ դարձած Աստղիկ ԲԿ -ում մեզ շատ սիրելի բժիշկներին Շնորհակալություն Ձեզ ,Շնորհակալ եմ Ձեր բարի,խելացի,հոգատար վերաբերմունքից։Շնորհակալ եմ Տիգրանիս կյանքի կոչելու,Շնորհակալ եմ ամեն ինչի համար խոսքերը քիչ են Ձեր կատարած աշխատանքի համար։Այո դուք էլ էիք պատերազմում ամեն կյանքի համար ,ամեն կյանք թանկ էր Ձեզ համար,ինչպես զավակի կյանքը մոր համար։

Ամենալավ բուժ կենտրոնը Հայաստանում Թե’ սպասարկման առումով , թե’ հոգատար վերաբերմունքի!! Հիացած եմ հատկապես Մալխասյան Նանա Երվանդովնաով՝ ծնողներիս հանդեպ ցուցաբերած իր հոգատար վերաբերմունքով: Նման կենտրոններ ու պրոֆեսիոնալ անձնակազմ թող շատ լինեն մեր երկրում!!

Շնորհակալ եմ Սրտաբանական բաժանմունքի ամբողջ անձնակազմին հոգատար, սրտացավ, գրագետ վերաբերմունքի և ամեն ինչի համար: Դուք Աստծո պարգև եք բոլոր հիվանդների համար: Եղեք առողջ ու երջանիկ, որ բոլոր հիվանդները մեզ նման բարձր տրամադրությամբ տուն գնան