011 66 77 88 (347)

Կրծքային վիրաբուժության բաժանմունք

«Աստղիկ» ԲԿ-ի Թորակալ (Կրծքային) վիրաբուժության բաժանմունքը հիմնադրվել է 2017 թվականին։ Բաժանմունքի առաջնահերթությունն էնդոսկոպիկ, փոքր կտրվածքներով միջոցով վիրահատությունների իրականացումն է` վիդեթորակոսկոպիա, վիդեոլապարոսկոպիա, վիդեոմեդիաստինոսկիա, ժամանակակից 4K էկրաններով և ICG ֆունկցիայի հնարավորությամբ սարքավորումների միջոցով։ Վերոնշյալ տեխնոլոգիաները հնարավորություն են տալիս նվազագույնի հասցնել վիրաբուժական տրավման, ավելի արագ և վաղ վերադառնալ առօրյա կյանքին, ապահովում են լավ կոսմետիկ էֆեկտ: Կլինիկայում կուտակված փորձը հնարավորություն է տալիս իրականացնել այնպիսի ծավալուն և բարդ վիրաբուժական միջամտություններ, ինչպիսիք են թոքերի բրոնխո- և անգիոպլաստիկ ռեզեկցիաներ, միջնորմի ուռուցքների հեռացում, կերակրափողի ռեկոնստրուկտիվ վիրահատություններ։ Բաժանմունքը գործում է շուրջօրյա, ապահովված է կենտրոնական թթվածնով և վակումով։ Բաժանմունքը համալրված է կրծքային և կրծքաորովայնային վիրաբույժներով, թոքաբանով, էնդոսկոպիայի մասնագետով: Բաժանմունքը հանդիսանում է ակադ. Ա.Ավդալբեկյան անվան Առողջապահության ազգային ինստիտուտի կրծքային վիրաբուժության ամբիոնի կլինիկական բազան։

Բժիշկների կանոնավոր պրակտիկան աշխարհի առաջատար կլինիկաներում, մասնակցությունը միջազգային գիտական միջոցառումներին, նոր վիրաբուժական տեխնոլոգիաների ներդրումը պրակտիկայում թույլ են տալիս իրականացնել ախտորոշումը և բուժումը, այդ թվում վիրահատությունները, բարձր մակարդակով։ Թորակալ (կրծքավանդակի օրգանների) պրոֆիլի պաթոլոգիաների ախտորոշումը կատարվում են ժամանակակից եվրոպական չափանիշներին համապատասխան: Բարձր որակավորում ունեցող մասնագետների և ժամանակակից սարքավորումների առկայությունը թույլ են տալիս լուծել ամենաբարդ վիրաբուժական խնդիրները։ Բաժանմունքում կատարվող վիրահատությունների ծավալը մեծ է, ներառյալ պարանոցի, կրծքավանդակի և որովայնի օրգանների օնկոլոգիական և բարորակ հիվանդությունների, թարախա-դեստրուկտիվ հիվանդությունների, վերքերի և վնասվածքների դեպքում իրականացվող վիրահատություններ.

Թոքի մի մասի վիդեոթորակոսկոպիկ և բաց հեռացում (սուբլոբար ռեզեկցիա, լոբէկտոմիա, բիլոբեկտոմիա) կամ ամբողջ թոքի հեռացում (պնևմոնէկտոմիա, պնևմոնէկտոմիա շնչափողի բիֆուրկացիայի ռեզեկցիայով) խոշոր անոթների ռեզեկցիայով և պլաստիկայով։
Վիդեոթորակոսկոպիկ ենթաամբողջական պլևրէկտոմիա կրկնվող (ռեցիդիվ) պնևմոթորաքսի դեպքում։
Թոքերի ծավալը փոքրացնող վիրահատություններ բուլլոզ էմֆիզեմայի դեպքում։
Թոքերի, լյարդի, միջնորմի էխինոկոկոզի դեպքում վիրահատություններ՝ կիստաների հեռացում, կապիտոնաժ, թոքի ռեզեկցիա։
Վիդեոթորակոսկոպիկ և բաց վիրահատություններ միջնորմի ուռուցքների և կիստաների հեռացում (թիմոմաներ, բրոնխոգեն և էնտերոգեն կիստաներ, տերատոմաներ, նևրինոմաներ, սարկոմաներ, հերմինոգեն և այլ ուռուցքներ):
Շնչափողի վիրահատություններ` ուռուցքների և ստենոզների դեպքում (շնչափողի շրջանաձև ռեզեկցիա, տրախեոպլաստիկա):
Վիդեոմեդիաստինոսկոպիա, բիոպսիա, միջնորմային ավշային հանգույցների հեռացում։
Շնչափողի և բրոնխների ստենտավորում կրիկատրիկական ստենոզի, ուռուցքների և ֆիստուլների դեպքում:
Փականային բրոնխոբլոկացիա թոքային արյունահոսության դեպքում։
Շնչափողի և բրոնխների նորագոյացությունների և օտար մարմինների հեռացում ճկուն և կոշտ էնդոսկոպների միջոցով:
Ընդհանուր բրոնխոալվեոլային լավաժ ալվեոլային պրոտեինոզի դեպքում։
Վիդեոթորակոսկոպիկ սիմպաթէկտոմիա ափային հիպերհիդրոզի` Ռեյնոյի հիվանդության ժամանակ։
Կրծքավանդակի պատի ռեզեկցիա ուռուցքների և մետաստազների ժամանակ (կողերի մետաստազներ, վերին բացվածքի ուռուցքներ, Պանկոստի քաղցկեղ և այլն):
Կրծքավանդակի պատի ռեկոնստրուկտիվ վիրահատություններ
Վիրահատություններ «կրծքավանդակի վերին բացվածքի համախտանիշի» ժամանակ՝ առաջին կողի վիդեոթորակոսկոպիկ և բաց ռեզեկցիա:
Կերակրափողի ուռուցքային և դեկոմպենսացված ոչ ուռուցքային հիվանդությունների ժամանակ վիդեոթորակո-լապարոսկոպիկ ռեզեկցիա՝ կերակրափողի միաժամանակյա պլաստիկայով (ստամոքսից կամ բարակ/հաստ աղիքից արհեստական կերակրափողի ձևավորմամբ):
Ստամոքսի քաղցկեղի լապարոսկոպիկ և բաց վիրահատություններ՝ պրոքսիմալ և դիստալ ռեզեկցիա, գաստրէկտոմիա։
Վիդեոլապարոսկոպիկ վիրահատություն դիաֆրագմայի կերակրափողային բացվածքի ճողվածքների ժամանակ` կրուրորաֆիայով կամ պլաստիկա ցանցային իմպլանտով։
Դիաֆրագմապլաստիկա տրավմատիկ ճողվածքների և թուլացման (ռելակսացիայի) ժամանակ, ներառյալ իմպլանտների կիրառմամբ:
Վիդեոլապարոսկոպիկ էքստրամուկոզ էզոֆագոկարդիոմիոտոմիա ֆոնդոպլիկացիայով կարդիայի ախալազիայի դեպքում։
Կերակրափողի դիվերտիկուլների հեռացում թորակո- կամ լապարոսկոպիկ մուտքերով:
Կերակրափողա-շնչափողային ֆիստուլների վերացում։
Կերակրափողի նեղացումների ժամանակ բուժավորում և լայնացում (դիլատացիա)։
Կրծքագեղձի բարորակ և չարորակ ուռուցքների կապակցությամբ վիրահատություններ։
Պարանոցի օրգանների վիրահատություններ։