Օնկոգինեկոլոգիական ծառայություն

Ուռուցքաբանական գինեկոլոգիայի ծառայությունում իրականացվում է կանացի սեռական օրգանների նախաքաղցկեղային հիվանդությունների, բարորակ և չարորակ ուռուցքների ախտորոշում և բուժում։

Աստղիկ ԲԿ-ի տեխնիկական հագեցվածությունը և բազմապրոֆիլ բարձր որակավորում ունեցող մասնագետների առկայությունը թույլ է տալիս ուռուցքով հիվանդների ախտորոշման ճշգրտությունը հասցնել առավելագույնի, ինչը հնարավորություն է տալիս ստանալ բուժման այն արդյունքները, որոնք գրանցվում են Եվրոպական առաջատար կլինիկաներում։

Բաժանմունքում աշխատող բժիշկները հանդիսանում են Օնկոգինեկոլոգների Եվրոպական Միության (ESGO\ENYGO) անդամներ

և պարբերաբար անցնում են վերապատրաստումներ արտասահմանյան առաջատար կլինիկաներում՝ կիրառելով դրսում ձեռք բերված նորարական բուժման մեթոդները մեր կլինիկայում՝ առաջներդվելով միջազգային ուղեցույցներով (NCCN, ESGO)։

Ծառայությունում իրականցվում է

էնդոմետրիումի քաղցկեղի վիրահատական բուժում՝ լապարոսկոպիկ (նորագույն ICG ներկման մեթոդով) և բաց եղանակներով,
ձվարանների քաղցկեղի վիրահատական բուժում՝ փուլավորող և ցիտոռեդուկտիվ վիրահատություններ,
արգանդի վզիկի քաղցկեղի վիրահատական բուժում՝ ռադիկալ հիստերէկտոմիաներ՝ լիմֆոդիսեկցիայով,
արտաքին սեռական օրգանների վիրահատական բուժում՝ ռադիկալ վուլվէկտոմիաներ՝ լիմֆոդիսեկցիայով,
հատուկ դեպքերում ուռուցք ունեցող երիտասարդ կանանց մոտ կատարվում են նաև օրգանապահպան վիրահատություններ՝ պահպանելով պտղաբերությունը,
բարորակ ուռուցքների (միոմաներ, ձվարանների կիստոմաներ) վիրահատական բուժում լապարոսկոպիկ եղանակով,
փոքր կոնքի օրգանների իջեցման կապակցությամբ կատարվող ռեկոնստրուկտիվ վիրահատություններ՝ լապարոսկոպիկ և հեշտոցային եղանակներով,
արգանդի խոռոչի պաթոլոգիաների ժամանակ՝ ախտորոշիչ և բուժական հիստերոսկոպիաներ։